Mercedes-Benz täze modellerini çykarmagyň giň gerimli meýilnamasyny tanyşdyrdy. Motor1 neşiriniň ýazmagyna görä, kompaniýa 2026-njy ýylyň ahyryna çenli azyndan 16 awtomobili, 2027-nji ýylda bolsa ýene şonça täze modeli köpçülige hödürlär.
2026-njy ýylda görkeziljek modelleriň arasynda, esasan, şu aşakdakylar tapawutlandyrylýar:
· Maybach S-Class (restaýling) – ýakyn wagtda (täzelenen S-Class-dan soň) garaşylýar;
· GLS (restaýling) – ýylyň dowamynda çykarylar; onuň Maybach görnüşiniň hem tiz wagtdan yzyndan çykmagyna garaşylýar;
· G-Class Cabriolet ýa-da AMG-model (mysal üçin, V8 hereketlendirijili CLE);
· EQS we EQS SUV (restaýling) – elektrik modelleri;
· AMG elektrik supersedany – GT 4-Door Coupe modeliniň gytaklaýyn oruntutary;
· C-Class (sedan we uniwersal, restaýling) – modeliň ýaşaýyş döwrüniň ortasyndaky täzeleme;
· GLC we GLC Coupe (restaýling) – içinden ýandyrylýan hereketlendirijili görnüşler, elektrik GLC bilen utgaşdyrylar;
· C-Class EV – ilkinji doly elektrik C-Class;
· Täze nesil GLA – şol sanda «EQ Technology» belgili elektrik wersiýasy.
Şol bir wagtyň özünde, Motor1 neşiriniň habar bermegine görä, Mercedes-Benz-iň iki modeli (EQE we EQE SUV) 2026-njy ýylda önümçilikden aýrylar.
