AFK-nyň Çempionlar ligasy 2-niň 1/8 finalynyň çäginde Türkmenistanyň «Arkadag» we Saud Arabystanynyň «Al-Nasr» toparlarynyň arasynda geçiriljek oýunda Eminiň wideo kömekçisi (VAR) ulgamy peýdalanylar.
Bu tehnologiýanyň Aşgabatda ulanylmagy, kabul ediji tarapyň duşuşygy halkara talaplaryna laýyklykda ýokary derejede geçirmäge doly taýýardygyny tassyklaýar. Ulgam eminlik etmegiň adalatlylygyny üpjün etmäge gönükdirilip, iň çylşyrymly we jedelli pursatlarda eminlere ýalňyşsyz çözgüt kabul etmäge kömek eder.
VAR standartlarynyň ornaşdyrylmagy duşuşygyň ýokary derejesini görkezmek bilen, dünýä futbolynyň sanly gazananlarynyň Türkmenistanyň sport infrastrukturasyna ornaşdyrylýandygynyň subutnamasydyr.
Ýatladyp geçsek, «Arkadag» bilen «Al-Nasryň» arasyndaky birinji oýun 11-nji fewralda Aşgabadyň Olimpiýa stadionynda geçiriler. Oýun ýerli wagt bilen sagat 18:45-de başlanar. Toparlaryň arasyndaky jogap duşuşygy bolsa 18-nji fewralda Er-Riýadda bolar.
Aşgabatda «Arkadag» — «Al-Nasr» duşuşygynda VAR ulgamy ulanylar
- şu gün 15:28
- 2.4k+
