Ispaniýanyň Kubogynyň ýarym finalynda «Barselona» bilen «Atletiko», «Atletik» bilen «Real Sosýedad» duşuşar

Ispaniýada Patyşanyň Kubogynyň ýarym final duşuşyklarynyň bije çekilişik dabarasy geçirildi. Ýaryşyň bu tapgyrynda toparlar biri-birleri bilen iki oýun oýnar.
Ýarym finalda «Barselona» Madridiň «Atletiko» topary bilen duşuşar. Ikinji garşydaş jübütde final üçin ýollama ugrunda Bilbaonyň «Atletigi» bilen «Real Sosýedad» bäsleşer.
1/2 finalyň ilkinji duşuşyklary 10–11-nji fewrala, jogap oýunlary bolsa 4–5-nji marta meýilleşdirildi.
«Barselona» häzirki Kubok ýaryşynda entek elita diwizionynyň toparlary bilen oýnamandy. Katalonlar «Gwadalaharany» (2:0), «Rasingi» (2:0) we mundan ozal Madridiň «Realyny» ýaryşdan gaýtdyran «Albasete» toparyny (2:1) utmagy başardy.
«Atletiko» ýaryşa «Atletiko Baleares» toparyny utmak (3:2) bilen başlady, soňra «Deportiwodan» üstün çykdy, çärýek finalda bolsa «Betisi» uly hasap bilen (5:0) utdy. Bu oýunda toparyň täze oýunçysy Ademola Lukman tapawutlandy — ol gol geçirdi, assist etdi we ýene bir netijeli hüjüme gatnaşdy.
«Atletik» ýarym finala çenli «Orense» (1:0), «Kultural» (4:3) we «Walensiýa» (2:1) toparlaryny utdy. «Real Sosýedad» bolsa iň köp oýun geçiren topar boldy: ol «Negreýrany» (3:0), «Reusy» (2:0), «Eldenseni» (2:1), «Osasunany» penaltide we «Alawesi» (3:2) utdy.