Saud Arabystanynyň hökümeti düýeler üçin pasport ulgamyny işe girizdi. Täze resminamanyň girizilendigi barada Patyşalygyň Daşky gurşaw, suw serişdeleri we oba hojalyk ministrligi sosial ulgamlarda habar berdi.
«Onuň Alyjenaby ministriň orunbasary “Düýe pasportyny” tanyşdyrdy. Onuň maksady maldarçylyk pudagynyň netijeliligini ýokarlandyrmakdan we düýeler barada ygtybarly maglumat binýadyny döretmekden ybarat» – diýlip, edaranyň habarynda bellenilýär.
Pasport resmi taýdan akkreditirlenen resminama bolar. Onda haýwan baradaky esasy maglumatlar, onuň tohumy we eýesi görkeziler. Resminamanyň esasy bölekleriniň biri sanjym kartasy bolar. Bu her bir düýäniň takyk saglyk taryhyny ýöretmäge we haýwanlaryň arasynda ýokanç kesellere gözegçiligi ýönekeýleşdirmäge mümkinçilik berer diýlip garaşylýar.
Şeýle-de, täze ulgam düýelere eýeçilik hukugyny tassyklamagy ýeňilleşdirmäge gönükdirilendir. Mundan başga-da, häkimiýetler pasportlaryň seleksiýa işiniň netijeliligini ýokarlandyrjakdygyna we maldarçylara düýeleriň ýagdaýyna has gowy gözegçilik etmäge kömek etjekdigine ynanýar.
Saud Arabystanynda düýelere pasport berlip başlandy
- 06.02.2026 17:57
- 8.1k+
