Maşgala bilen dynç günüňizi ýatdan çykmajak derejede geçirmek üçin näme etmeli? Bu soraga Arkadag şäheri iň jaýdar jogaby hödürleýär.
Her ýekşenbe güni Görogly adyndaky Döwlet atçylyk sirkinde çagalary hem ululary deň derejede özüne çekýän sirk oýunlary görkezilýär.
Sirkde täsirli, ruhuňy göteriji oýunlara, şol sanda «Galkynyş» milli at üstündäki oýunlar toparynyň ýaş, zehinli artistleriniň çykyşlaryna tomaşa edip bilersiňiz.
Bäri ýöne bir sirk däl-de, dynç gününi hakyky başdangeçirmä öwürýän ýerdir. Çagalar sahnada bolup geçýän pursatlary ýakymly tolgunma bilen gözden sypdyrman yzarlasalar, ulular günde-günaşa gaýtalanyp durmaýan bu maşgala baýramçylygyndan lezzet alýar.
Çykyşlar sagat 12:00-da başlanýar.
Biletleri www.atchylyksirk.gov.tm saýtyndan onlaýn görnüşde satyn alyp bilersiňiz.
Salgy: Arkadag şäheri, Görogly adyndaky Döwlet atçylyk sirki.
Habarlaşmak üçin telefonlar: 57-23-53, 864-43-22-22.
Arkadag şäherindäki sirk dynç gününi ýatdan çykmajak pursatlara öwürýär
- 06.02.2026 10:44
- 3k+
