«Wildlife Photographer of the Year 2025» (Ýylyň ýabany tebigat suratçysy) bäsleşiginiň finalçylarynyň sanawy belli boldy. Indi «Tomaşaçylaryň halany» (People's Choice Award) baýragynyň eýesini köpçülikleýin ses berişlik arkaly tomaşaçylar kesgitlär.
Bäsleşik şu ýyl 61-nji gezek geçirilýär. Ýaryşa 113 ýurtdan jemi 60 636 surat hödürlenip, rekord mukdarda iş kabul edildi.
Esasy kategoriýalaryň ýeňijileri geçen güýzde yglan edilipdi, emma tomaşaçylaryň ses berişligi täze tapgyr hökmünde aýratyn başlandy.
Bäsleşik we onuň netijesinde dörän sergi Londondaky Tebigatyň taryhy muzeýi (Natural History Museum) tarapyndan gurnalýar. Bu ýylky tomaşaçy baýragy «Nuveen» kompaniýasynyň hemaýatkärliginde gowşurylar.
Bu diňe bir bäsleşik bolman, eýsem global derejeli sergi bolup, ol dünýäniň dürli künjeklerinde Ýewropada (Beýik Britaniýa, Daniýa, Germaniýa, Italiýa, Niderlandlar, Şweýsariýa) we beýleki sebitlerde (Awstraliýa, Kanada we Birleşen Arap Emirlikleri) görkeziler.
