ABŞ-nyň Nýu-Jersi ştatyndaky tebigy künjekli seýilgähiň plýažynda güýçli kenar eroziýasyndan soň, gark bolaly bäri üstünden 136 ýyl geçen «Lowrens N. Makkenzi» ýelkenli gämisi tapyldy. Bu barada Smithsonian Magazine neşirinde beýan edilýär.
Puert-Rikodan Nýu-Ýorka pyrtykal ýüküni daşaýan gäminiň galyndylary gyşky harasatlar we ägirt uly tolkunlar netijesinde çäge gatlagynyň syrylmagy bilen ýüze çykdy.
Gämi 1890-njy ýylyň 21-nji martynda goýy dumanyň içinde heläkçilige uçrapdyr. 8 adamdan ybarat bolan ekipaža halas bolmak başardýar. Sitrus miweleriniň ýüki şol wagt iki müň dollar, gäminiň özi bolsa dokuz müň dollar (häzirki döwrüň hümmetine geçirseň takmynan 330 müň dollara) diýlip bahalandyrylypdy.
Hemişe üýtgäp durýan ýalpak ýerleri we kanallary bolan bu kenarýaka bölek il arasynda «Atlantikanyň mazary» diýlen at bilen tanalýar. Bug bilen işleýän gämiler peýda bolýança, bu ýerlerde her ýyl 40-a golaý gämi heläkçilige uçraýan ekeni.
136 ýyl ozal heläkçilige uçran gämiň galyndylary tapyldy
- şu gün 16:31
- 731
