«Barselona» futbol klubunyň öý stadiony bolan «Kamp Nou» 2028/29-njy ýyllar möwsüminiň Çempionlar ligasynyň final oýnuny geçirmek üçin resmi taýdan dalaşgär hökmünde hödürlendi. Bu barada sports.ru neşiri habar berýär.
Bu başlangyç «Barselona» kluby, şäher häkimligi we Kataloniýa hökümeti tarapyndan, Ispaniýanyň Patyşalyk Futbol Federasiýasynyň (RFEF) goldamagynda öňe sürüldi.
Häzirki wagtda taraplar munuň üçin zerur bolan ilkinji resminamalar toplumyny taýýarlap, UEFA-ga tabşyrdylar. Bu maglumatlar UEFA tarapyndan arzanyň deslapky seljermesini geçirmek we stadionyň guramanyň resmi talaplaryna hem-de howpsuzlyk protokollaryna laýyk gelýändigini barlamak üçin ulanylar.
Resmi we gutarnykly arza iýun aýynyň başynda tabşyrylar.
UEFA 2029-njy ýyldaky final üçin diňe bir stadionyň däl, eýsem Barselona şäheriniň infrastruktura, ulag we myhmanhana mümkinçiliklerini hem doly bahalandyrar.
