Müsürde topragyň duýdansyz çökmegi netijesinde gül we konditer önümleriniň dükanlary ýeriň astyna gitdi. Bu barada Al Arabiya habar berýär.
Waka Kairiň Et-Tagammoa sebitindäki awtoulag ýangyç bekediniň golaýynda bolup geçdi. Topragyň çökmegi netijesinde çuňlugy 15 metre ýetýän uly çukur emele geldi. Adatdan daşary hadysanyň sebäbi golaýda gurulýan desgadaky ýer işleri sebäp boldy. Hadysanyň netijesinde iki adam zyýan çekdi. Olar Täze Kairiň hassahanasyna ýerleşdirildi.
Mundan ozal, şular ýaly ýeriň opurylma hadysasy Stambulda «Kabataş» metro stansiýasy gurulýan wagty bolup geçipdi. Altynjy gatyň derejesindäki çuňlukda beton guýulýan wagty dag jynslary bölekleýin opuryldy. Netijede bäş işçi kyn ýagdaýa düşdi, olaryň üçüsi özbaşdak çykmagy başardy, ikisine bolsa halasgärler kömek etdi. Işçileriň biri alan şikesi sebäpli hassahanada aradan çykdy.
Kairde ýeriň aşak çökmegi sebäpli iki dükan ýer astyna gitdi
- 03.02.2026 20:40
- 9k+
