Mercedes-Benz S-Class-a modeliň taryhynda iň düýpli özgeriş garaşýar

Täzelenen Mercedes-Benz S-Class-yň dünýä derejesindäki tanyşdyrylyşy 29-njy ýanwara meýilleşdirilýär. Germaniýanyň awtoulag öndürijisi bu senäni tassyklady we geljekki täze modeliň birnäçe tizer suratlaryny çap etdi.
Kompaniýanyň habar bermegine görä, bu gezekki dizaýn üýtgetmesi modeliň bütin taryhynda iň uly göwrümli özgerişleriň biri bolar. Awtoulagyň detallarynyň ýaryndan gowragy — takmynan 2,7 müň bölegi — çalşyldy ýa-da kämilleşdirildi.
Mercedes-Benz kompaniýasynyň baş direktory Ola Kallenius täzelenen sedanyň «has batyrgaý» keşbe eýe boljakdygyny aýtdy. Esasy üýtgeşmeleriň arasynda kapodyň üstündäki dik duran ýyldyz, MB.OS operasion ulgamyna esaslanýan täze nesliň sanly intellektual ulgamlary, şeýle-de has giňeldilen şahsy sazlamalar bar.
Ulagyň hereket wagtyndaky amatlylygyna aýratyn üns berildi. Muňa amortizatorlary akylly sazlaýan, kämilleşdirilen «Airmatic» pnewmatik asma ulgamy arkaly ýetildi. Şeýle-de, restaýling edilen S-Class-yň döwrebaplaşdyrylan 4 litrlik, goşa turbinaly V8 hereketlendiriji bilen enjamlaşdyryljagy çaklanylýar.
Häzirki wagtda ulanylýan W223 kuzowly Mercedes-Benz S-Class mundan bäş ýyl ozal tanyşdyrylypdy.