«Meta» kompaniýasy özüniň sosial ulgamlarynda ýetginjekleriň AI-gahrymanlar (emeli aň arkaly döredilen keşpler) bilen gatnaşyk saklamagyny bütin dünýä derejesinde wagtlaýynça togtadýandygyny yglan etdi. Bu çäklendirme funksiýanyň täze we has howpsuz wersiýasy çykýança dowam eder.
«Instagram» we «Facebook» platformalarynyň eýesi tarapyndan berlen maglumata görä, täze düzgün hasabynda ýetginjeklik ýaşyny görkezen ulanyjylara; Meta-nyň tehnologiýalary tarapyndan kämillik ýaşyna ýetmedik diýlip hasaplanýan ähli profil eýelerine degişlidir.
Kompaniýa 2025-nji ýylyň oktýabr aýynda ene-atalaryň öz çagalarynyň haýsy AI-gahrymanlar bilen gepleşip biljekdigini gözegçilikde saklamaga mümkinçilik berýän täze gurallaryň üstünde işleýändigini mälim edipdi.
«Biz bu täzelenen wersiýany döretmäge ünsümizi jemleýäris. Şol sebäpli ýetginjekleriň häzirki bar bolan emeli aň gahrymanlaryna elýeterliligi bütin dünýäde wagtlaýynça ýapylýar» — diýip, Meta nygtady.
Bu wagtlaýyn çäreler kämillik ýaşyna ýetmedik ulanyjylaryň emeli aň bilen bolan aragatnaşygyny has durnukly we howpsuz tertibe salmak maksady bilen amala aşyrylýar.
