2026-njy ýylyň ýanwar aýynda TikTok platformasy Amerikanyň Birleşen Ştatlaryndaky ulanyjylar üçin gizlinlik syýasatyny täzeledi. Täze düzgünlere görä, programma indi ulanyjylaryň takyk ýerleşýän ýeri baradaky maglumatlary ýygnap biler.
Ulanyjylara bu üýtgeşmeler barada ýanwar aýynyň başynda habar berildi. Gizlinlik syýasatynyň täzelenmegi, TikTok-yň ABŞ-daky biznesiniň täze gurluşa geçmeginden we dolandyryşyň täze ýolbaşçylara berilmeginden soň derrew amala aşyryldy. Bu ädim eýýäm maglumatlary goramak boýunça hünärmenleriň arasynda uly alada döretdi.
Mundan ozal ABŞ-nyň hökümeti maglumatlaryň Hytaýyň häkimiýetlerine elýeterli bolmak ähtimallygy sebäpli TikTok-y yzygiderli tankyt edipdi. Bu meseleleri çözmek üçin 2025-nji ýylda ByteDance kompaniýasy amerikaly investorlar (Oracle, Silver Lake we MGX) bilen ylalaşyk baglaşdy.
Netijede, TikTok US atly bilelikdäki kärhana döredildi we amerikaly ulanyjylaryň maglumatlaryna gözegçilik dolulygyyna şolaryň eline geçdi.
Täze gizlinlik syýasaty 2026-njy ýylyň ýanwaryndan güýje girdi. Kompaniýanyň wekilleriniň tassyklamagyna görä, takyk ýerleşiş maglumatlarynyň ýygnalmagy hyzmatyň işini kämilleşdirmek hem-de mazmuny (kontenti) her bir ulanyja görä şahsy uýgunlaşdyrmak üçin zerurdyr.
Hünärmenler ulanyjylara täze şertleri ünsli öwrenmegi we zerur bolsa, programmanyň sazlamalaryndan gizlinlik derejesini özbaşdak üýtgetmegi maslahat berýärler.
