UFC-niň ýeňil agramdaky söweşijisi Kameron Smazerman agram çekilişikden soň, dessine huşuny ýitirdi. Netijede onuň söweşi ýatyryldy.
28 ýaşly amerikaly türgende agram çekilýän wagty hiç hili mesele ýok ýalydy. Emmä nämüçindir agramy 135,5 funt (61,5 kg) çykan söweşiji tereziniň ýanyndan birnäçe ädim daşlaşyp, ýykyldy. Lukmanlar oňa zerur kömegi berdiler.
25-nji ýanwaryň ir säherinde Smazerman Las-Wegasda geçiriljek UFC 324-de amerikaly Riki Tursios bilen söweşmelidi. Ýüze çykan waka sebäpli söweş, elbetde, ýatyryldy.
Kameron Smazerman 2024-nji ýyldan bäri UFC-de bäsleşýär. Onuň gurama bilen üç söweşiniň biri ýeňiş, ikisi ýeňliş bilen tamamlandy.
