Mazda Ýewropa bazarynda MX-30 R-EV awtoulagynyň satuwyny resmi taýdan bes etdi. Awtoulagyň doly elektrik nusgasy satuwdan öň aýrylypdy. Indi bolsa iki ýyl mundan ozal hödürlenen rotor ýangyç generatorly nusgasy hem sebitden çykýar.
Mazda-nyň metbugat wekili Autocar-a beren interwýusynda bu kararyň birnäçe faktorlaryň, şol sanda sarp edijileriň islegleriniň we brendiň önümçilikde ileri tutulýan ugurlarynyň üýtgemeginiň netijesinde bolandygyny aýtdy. MX-30 R-EV deňeşdirme boýunça az sanly model hasaplanýar. Angliýada elektrik görnüşiň 1872 birlik satylan wagtynda R-EV-iň 678 birliginiň satylandygy hasaba alyndy. ABŞ-da bolsa satuw, baryp 2023-nji ýylda bes edilipdi.
Elektrik modele bolan pes islege täsir eden faktorlaryň arasynda ulagyň takmynan 200 km-i öz içine alýan çäkli atiýaçlyk aralygy hem ýokary bahasy bar. Häzirki wagtda rotorly nusga diňe Ýaponiýanyň içerki bazary üçin elýeterlidir.
Mazda modeliň Ýewropa bazaryndan çykmagynyň hemişelikdigini nygtady. Kompaniýanyň öz ünsüni Changan platformasyna esaslanýan täze awtoulaglara — Mazda 6e liftbekine we CX-6e krossowerine gönükdirýändigi sebäpli, MX-30 R-EV-iň oruntutary hem meýilleşdirilmeýär.
