Electronic Arts kompaniýasy ulanyjylaryň ses bermeginiň netijesi boýunça EA Sports FC 26 oýnunda «Ýylyň toparyny» hödürledi. Sanawa senenama ýylynyň dowamynda has tapawutlanan 11 oýunçy girdi.
Bu futbolçylar Ultimate Team režiminde ýokary häsiýetnamalar bilen (94-den 97-ä çenli) ýörite wirtual kartoçkalary alar.
EA Sports FC 26-da ýylyň iň gowy futbolçylary:
- Janluiji Donnarumma («Mançester Siti») – 95;
- Wirjil wan Deýk («Liwerpul») – 95;
- Wilýam Saliba («Arsenal») – 94;
- Žýul Kunde («Barselona») – 94;
- Nunu Mendeş («PSŽ») – 97;
- Deklan Raýs («Arsenal») – 94;
- Witinýa («PSŽ») – 95;
- Pedri («Barselona») – 95;
- Usman Dembele («PSŽ») – 96;
- Kilian Mbappe («Real» Madrid) – 96;
- Erling Holand («Mançester Siti») – 97.
EA Sports FC 26-da «Ýylyň topary» bilen oýun wakasy 16-njy ýanwarda başlady. Oýunçylaryň täzelenen wersiýalary tapgyrlaýyn çykar: birinji bolup hüjümçiler, soňra ýarymgoragçylar, şondan soň goragçylar we derwezebanlar elýeterli bolar. Toplumlarda güýçlendirilen kartoçkalary tapmak ýa-da olary transfer bazarynda satyn almak 30-njy ýanwara çenli mümkindir.
