Toyota Tacoma pikapy ABŞ-da 2025-nji ýyly rekord satuw bilen tamamlady – model amerikan bazarynda 30 ýyldan gowrak wagt bolmak bilen, häzire çenli iň gowy netijäni görkezdi. Bir ýylda Toyota 274 638 sany Tacoma awtomobilini satdy, bu bolsa 2024-nji ýylda satylan pikaplardan 42,4% köpdür.
Diňe dekabryň özünde 25 müňden gowrak awtoulag satyldy, bu hem 2024-nji ýylyň degişli aýyndaky görkezijiden 3 müň birlik köpdür. Täze rekord 2021-nji ýylda goýlan iň ýokary görkezijiden geçdi. Şol wagt 252 490 pikap satylypdy.
Tacoma öz segmentinde öňdebaryjylygy ynamly saklaýar: Chevrolet Colorado, takmynan, 108 müň nusga bilen satyldy, Nissan Frontier-iň satuwy 65 müň, GMC Canyon bolsa, takmynan, 37 müň birlige ýetdi. Ford Ranger-iň satuwy entek belli däl, ýöne onuň hem Tacoma-nyň yzyndan ýetjegi gümanadyr.
