Halkara Futbol Federasiýasy (FIFA) iň gowy futbolçylar üçin täze baýragyň döredilendigini yglan etdi. Guramanyň metbugat gullugynyň habar bermegine görä, bu baýrak ýylyň ahyrynda Dubaýyň sport geňeşi bilen bilelikde gowşurylar.
Ilkinji baýrak gowşurylyş dabarasyny 2026-njy ýylda geçirmek meýilleşdirilýär.
FIFA 1991-nji ýyldan bäri dünýäniň iň gowy oýunçylaryna şahsy baýraklary gowşuryp gelýär. 2009-njy ýyla çenli gurama ýeňijini özbaşdak kesgitleýärdi, emma 2010–2015-nji ýyllar aralygynda baýrak "France Football" žurnaly bilen bilelikde gowşurylyp, "FIFA-nyň Altyn topy" diýlip atlandyryldy. 2016-njy ýyldan başlap, şahsy baýraklar ýene-de bölündi: žurnal we FIFA ýeňijileri aýratynlykda saýlap başladylar.
FIFA-nyň baýragy "The Best" diýlip atlandyrylýar. 2025-nji ýylda bu baýraga iň soňky gezek fransuz futbolçysy Usman Dembele mynasyp boldy.
