«Queen» topary ozal köpçülige ýetirilmedik «Not for Sale» («Polar Bear») atly Roždestwo aýdymyny çykarmagy meýilleşdirýär. Bu barada toparyň gitaraçysy Braýan Meý «Planet Rock» radio gepleşiginde habar berdi diýip, «Rolling Stone» žurnaly ýazýar.
Bu aýdym 1960-njy ýyllaryň ahyrynda, topar entek «Smile» ady bilen çykyş edýärkä we onuň wokalçysy Tim Staffel wagtynda ýazylypdyr. Siz bu aýdymyň «Smile» toparynyň ýerine ýetirmegindäki pirat wersiýasyny eşidensiňiz, ol eýýäm köp wagtdan bäri bar» — diýip, Meý belledi.
Häzirki wagtda aýdymyň üstünde soňky işler alnyp barylýar. «Not for Sale» («Polar Bear») aýdymynyň gutarnykly görnüşi 2026-njy ýylda «Queen II» albomynyň täze neşirinde (re-issue) ýerleşdiriler. Onuň takyk çykjak güni heniz mälim edilmedi.
Mundan ozal «The Times» gazeti «Queen» toparyny Beýik Britaniýanyň iň uly salgyt töleýjileriniň sanawyna girizipdi. Gazetiň maglumatlaryna görä, «Queen Productions» kompaniýasy 2024-nji ýylda 39,5 million funt sterling girdeji gazanyp, döwlet hazynasyna 11,8 million funt sterling salgyt töläpdir.
