Halkara futbol federasiýasy (FIFA) Netflix striming platformasy bilen bilelikde 2026-njy ýylyň dünýä çempionatyna çenli täze futbol simulýatoryny işe girizmegi meýilleşdirýär. Bu barada FIFA-nyň prezidenti Janni Infantino habar berdi.
Oýny işläp düzmek bilen Kaliforniýanyň Delphi Interactive studiýasy meşgullanýar. Häzirki wagtda kompaniýa iri wideooýun studiýalaryny 72 mlrd dollara satyn almakda hem esasy dalaşgär hökmünde görülýär.
Täze oýun barada giňişleýin maglumat entek ýok. Ýöne onuň mobil gurluşlarynda onlaýn elýeterli boljakdygy we Netflix programmasy arkaly ýaýradyljakdygy belli.
«FIFA bilen Netflix-iň uly hyzmatdaşlygy – FIFA-nyň futbol oýunlary ugrunda innowasiýalara ýykgyn etmeginde möhüm pursatdyr. Biz dünýä boýunça dürli ýaşdaky milliardlarça futbol janköýerine ýetmegi maksat edinýäris» — diýip, Reuters Infantinonyň sözlerini getirýär.
Ozal FIFA-nyň ygtyýarnamasyny başga bir futbol simulýatory – Football Manager 26 aldy. Hyzmatdaşlygyň çäklerinde oýunda resmi atlar we brendler bilen ýaryşlar hödürlener.
