Mercedes-Benz kompaniýasy 2026-njy model ýylynyň gibrid CLA 220 sedanynyň güýç beriji gurluşynyň tehniki aýratynlyklaryny açyklady diýip, "Car News China" neşiri habar berýär.
Awtoulag Hytaýyň Geely kompaniýasy bilen bilelikde işlenip düzülen 1,5 litrlik M252 turbo hereketlendirijisi bilen enjamlaşdyryldy. 188 at güýjüne eýe bolan bu motor Miller sikli boýunça işleýär we Hytaýda öndüriler. Hereketlendiriji 8F-eDCT transmissiýasyna ornaşdyrylan 30 at güýjündäki elektromotorly 48 woltlyk gibrid ulgamyna birikdirilen.
Gurluşyň umumy kuwwaty 208 at güýjüne we 380 Nm aýlanma pursatyna deňdir.
Agramy 1630 kg bolan sedan 0-dan 100 km/sag tizlige 7,1 sekuntda ýetýär, iň ýokary tizligi bolsa 210 km/sag bilen çäklendirilen. Awtoulag 97 km/sag tizlige çenli "erkin akymda" (engine-off coasting) hereket edip bilýär we 27 at güýjünden az agramlylyk ýagdaýynda diňe elektrik dartyş güýjüni ulanyp bilýär. Energiýa netijeliligi 1,3 kWt/sag sygymly batareýa we 25 kWt çenli kuwwaty bolan rekuperasiýa (energiýany yzyna gaýtarmak) ulgamy arkaly üpjün edilýär.
