Marokkonyň milli futbol ýygyndysy 2025-nji ýylyň Arap milletleriniň kubogy ýaryşynyň final oýnunda Iordaniýanyň toparyny utup, ýeňiji boldy. Duşuşyk Katardaky «Lusail» stadionynda geçirildi we goşmaça wagtda 3:2 hasabynda tamamlandy (esasy wagt deňme-deň – 2:2 boldy).
Marokkonyň ýygyndysynyň düzüminde Ussama Tannane (4-nji minut) we Abderrazak Hamdalla (87) gol geçirdi. Garşydaş topardan iki goly hem Ali Olwan girizdi (48 we 68, penaltiden). 100-nji minutda ýeňiş goluny Hamdalla öz hasabyna ýazdy.
Marokko üçin bu titul taryhda 2012-nji ýyldaky ýeňişden soň ikinji boldy.
Üçünji ýer üçin Saud Arabystany bilen BAE-niň arasyndaky oýun howa şertleri we «Halifa» meýdançasyny suw basmagy sebäpli ýatyryldy. Halkara futbol federasiýasy (FIFA) oýny 0:0 hasabynda gutaran diýip hasaplady we bürünç medallary iki topara-da berdi.
2025-nji ýylyň Arap milletleriniň kubogy 11-nji we FIFA-nyň howandarlygynda ikinji ýaryş boldy. Ozal ýaryş Arap futbol assosiasiýalarynyň bileleşigi (UAFA) tarapyndan geçirilýärdi. Katar bu ýaryşy üçünji gezek kabul etdi.
Ilkinji gezek Arap milletleriniň kubogy 1963-nji ýylda Liwanda geçirildi, şol wagt Tunis ýeňiji boldy.
