Casio Honda markasynyň «Formula-1-däki» ilkinji ýeňşine bagyşlanan ýörite sagadyny hödürledi.
Ýapon awtoöndürijisi bu çempionatda ilkinji gezek 1964-nji ýylda çykyş etdi. Ol öz ulagynyň şassisini we hereketlendirijisini özbaşdak işläp düzdi. 1965-nji ýylyň oktýabrynda bolsa Honda ilkinji üstünligini gazandy – oňa amerikaly ýaryşa gatnaşyjy Riçi Ginter ýeňiş getirdi.
Täze sagatlaryň dizaýny, esasan, gyzyl öwüşginler bilen ak reňkde ýerine ýetirilen 1965-nji ýyldaky Honda bolidine esaslanýar. Şeýle reňk utgaşmasy sagat bezeginde-de ulanyldy. Sagat halkasynyň ýokarky böleginde ýubileýi görkezýän altynsow «60» sany ýerleşdirildi.
Goşmaça siferblatlaryň biri Honda RA273 bolidiniň tahometriniň stilini gaýtalaýar. Sagadyň yzky gapagyna lazer bilen tematiki haşam çekildi. Sagadyň kemerine-de aýratyn üns berildi: onuň daşky tarapynda bolidiň käbir aýratynlyklary ýazyldy, içki bölegi bolsa tehniki çyzgylara meňzeş nagyş bilen bezeldi.
Kemeriň altynsow ildirgiji «11» sany – Riçi Ginteriň başdaky belgisi we Veni, Vidi, Vici («Geldiň, gördüň, ýeňdiň») latyn jümlesi bilen bezeldi.
Modeliň görkezilen bölek söwda bahasy 66 000 ýena bolup, bu salgydy göz öňünde tutmak bilen, takmynan, 425 dollara deňdir.
