Vogue amerikan neşiri ýylyň jemini jemläp, 2025-nji ýylyň iň gowy geýnen adamlarynyň sanawyny hödürledi. Atlaryň sanawy we iň gowy obrazlaryň suratlary žurnalyň saýtynda ýerleşdirildi.
Reýtinge moda, kino, aýdym-saz, syýasat we işewürlik pudagyndan 50 töweregi şahsyýet girdi. Žurnal tarapyndan bellenenleriň arasynda Jennifer Lourens, Timoti Şalame, Rianna, A$AP Rocky, Keýt Blanşett, Zoi Krawis, Jenna Ortega, Kolman Domingo, Bad Bunny, Rozaliýa, Aýo Edebiri, Doeçi, Taýla we Aleksander Skarsgord bar.
Şeýle-de, žurnal model Aleks Konsanini, dizaýner Haýder Akermanny, basketbolçy Şaý Giljes-Aleksandry, koreý pop-ýyldyzy G-Dragon-y, modelýer Miuçça Pradany, hudožnik Rama Duwajini, tansçy Indiýa Bredlini, dijeý Peggi Gouwy tapawutlandyrdy. Geň galdyrýan ýeri, sanawda Rim papasy Lew XIV hem bar.
Vogue-nyň Britaniýadaky redaksiýasy hem, öz gezeginde, Beýik Britaniýanyň iň özüne çekiji stili bolan we moda dünýäsinde has täsirli hasaplan raýatlarynyň sanawyny düzdi. Sanawa Uels şa gyzy Keýt, Naomi Kempbell, Keýt Moss, Wiktoriýa Bekhem, Aleksa Çang we Sienna Miller girdi.
Mundan başga-da, bu sanawda Liam Gallaher, Amal Kluni, Mikita Oliwer, Aýriz Lou, Greýs Ueýls Bonner, Çarli XCX, Dua Lipa, Suki Uoterhaus, Lili Allen, FKA Twigs, Joş O’Konnor, Harris Dikinson, Ien Raýt, Riz Ahmed, Simona Eşli, Rozamund Paýk, Kira Naýtli, Oliwiýa Kolman we beýlekiler bar.
