«Independente» klubunda çykyş edýän argentinaly futbolçy Santýago Montiel 2025-nji ýylyň iň owadan goly üçin Puşkaş baýragynyň eýesi boldy. Bu barada Halkara futbol federasiýasynyň (FIFA) metbugat gullugy habar berdi.
The FIFA Best baýraklarynyň gowşurylyş dabarasy 16-njy dekabrda agşam Dohada geçirildi. Ýeňiji guramanyň saýtynda janköýerleriň we «FIFA-nyň legendalaryndan» ybarat eminleriň ses bermegi arkaly kesgitlendi.
Montiel 2025-nji ýylyň 11-nji maýynda Argentinanyň Aperturasynyň 1/8 finalynyň «Independente Riwadawiýa» garşy oýnunda (1:0) ýeňiş goluny geçirdi. Futbolçy derwezä topy jerime meýdançasyndan daşary üstaşyr girizdi.
Baýrak üçin ýene on oýunçy, şol sanda «Barselonanyň» hüjümçisi Lamin Ýamal hem dalaş etdi.
FIFA-nyň Ferens Puşkaş adyndaky baýragy 2009-njy ýylyň 20-nji oktýabrynda esaslandyryldy. Ol senenama ýylynyň dowamynda geçirilen iň owadan gol üçin futbolça ýa-da zenan futbolça berilýär. Baýrak 1950-60-njy ýyllaryň meşhur wenger-ispan futbolçysynyň adyny göterýär.
