Royal Society Publishing — 2025 halkara ylmy fotosurat bäsleşiginiň 2025-nji ýyldaky eminleri iň gowy işleri saýladylar. Finalçylar ylmy temalaryň giň palitrasyny — ýabany tebigatdan başlap, howa şertlerini we nerw öýjükleriniň gurluşyny synlamaga çenli görkezdiler.
Baş baýrak
"Haýran galdyryjy möý süýümleri" © doktor Martin H. Ramires (Dr Martín J. Ramírez). Suratda Asianopis subrufa möýüniň iki süýümi görkezilýär. Bu görnüş adaty kerebi örýän däldir: möý kiçijik ýelmeşýän tory öň aýaklary bilen saklaýar we ýanynda ýyrtyjy peýda bolan dessine ony birden çekýär.
Kategoriýa: «Ekologiýa we daşky gurşaw ylymlary»
Ýeňiji: "Amfibiýalar Galaktikasy. Madagaskar gurbagalarynyň köpçülikleýin köpelmegi" © Filippo Karugati (Filippo Carugati).
Ikinji orun: "Unudylan tansyň sapaklary" © Keýs Bastmeýer (Kees Bastmeijer). Awtory Ýapon durna tanslarynyň aýny halkynyň medeniýetindäki ornuny görkezýär.
Kategoriýa: «Astronomiýa»
Ýeňiji: "Oduň sepgidindäki tans" © Imran Soltan (Imran Sultan).
Ikinji orun: "Günorta polýusda Günüň dogmagy" © doktor Aman Çokşi (Dr Aman Chokshi).
Kategoriýa: «Haýwanlaryň özüni alyp barşy»
Ýeňiji: "Sakaralaryň söweşi" © Piter Hadson (Peter Hudson). Suratda uly sähra sakaralarynyň (Tympanuchus cupido) erkek jandarlary urkaçy üçin howada söweş görkezýärler.
Ikinji orun: "Uçýan ýylan" © Irina Petrowa Adamaski (Irina Petrova Adamatzky). Suratda dünýäniň iň uly kebelekleriniň biri bolan pawlinoglazka atlas (Attacus atlas) görkezilýär. Onuň ganatlarynyň ujunda ýylan kellelerini ýatladýan suratlar görünýär – bu aýratynlyk oňa guşlary gorkuzmaga kömek edýär.
Kategoriýa: «Ýer ylymlary we klimatologiýa»
Ýeňiji: "Antarktika gyşynda buzlary skanirlemek" © Maýkl Meredit (Michael Meredith). Surat Antarktika ýarymadasynyň Bergen aýlagynda "Ser Deýwid Attenboro" gämisindäki gyşky ekspedisiýa wagtynda alnypdyr. Alymlar buzlaryň çalt eremeginiň deňiz derejesine, suwuň düzümine we deňiz ekosistemalaryna nähili täsir edýändigini öwrenýärler.
Ikinji orun: "Atakama çöli" © Felipe Rios Silwa (Felipe Ríos Silva).
Kategoriýa: «Mikrofotografiýa»
"Neýronlaryň baglanyşyklary: hereket shemasy" © Sweta Gurumurtii (Swetha Gurumurthy). Bu surat adam hereket ediji neýritleriniň çylşyrymly toruny görkezýär — aýry nerw öýjüklerini birleşdirýän we hereketi üpjün edýän inçejik, şahalanýan "magistrallar".
