Levi's brendi Eýnşteýniň meşhur kurtkasyny täzeden dikeltdi

Levi's Vintage Clothing brendi fizik Albert Eýnşteýniň geýen meşhur deri kurtkasynyň çäkli seriýasyny görkezdi. Menlo Cossack diýlip atlandyrylan bu modelden jemi 800 sany öndürildi. Hypebeast-iň habar bermegine görä, olaryň her biri elde belgilenendir.

Levi's kompaniýasy 2016-njy ýylda Christie's auksionynda kurtkanyň asyl nusgasyny $147 000 töläp satyn aldy. Alym ABŞ-a göçenden gysga wagt soň, ony takmynan 1935-nji ýylda satyn alan diýlip çaklanylýar.
Asyl nusganyň bellärlikli aýratynlygy, ondan süýjümtik turba temmäkisiniň ysynyň saklanyp galmagydyr.
Täzeden dikeldilen nusga asyl dizaýny doly gaýtalaýar we gysga erkin biçüwi, tegelek şekilli ýakany, manžetleri we gapdal latun prýažalary öz içine alýar.
Kolleksiýa modeliniň bahasy takmynan $1060.
Her bir önüm 97 belgili auksion nyşanynyň nusgasy, şeýle hem meşhur alymyň portreti bilen bilelikde gelýär.