Telegram messenjeri akkaunta girmegiň täze usulyny girizdi: indi muny giriş açarynyň (Passkey) kömegi bilen amala aşyryp bolýar diýip, «Kommersant» neşiri habar berýär.
Täze funksiýanyň netijesinde ulanyjylara akkaunta girende SMS koduny ýa-da paroly ulanmak gerek däl.
Täze giriş usulyny işjeňleşdirmek üçin ulanyjy sanly açar döretmeli. Döretmek prosesi biometrik maglumatlary ulanmak bilen şahsyýeti tassyklamagy öz içine alýar. Elýeterli usullar: ýüzi (Face ID), barmak yzyny skanirlemek (Touch ID) ýa-da kod-paroly girizmek.
Döredilen Passkey açary gönüden-göni ulanyjynyň enjamynda saklanýar. Funksiýa programmanyň sazlamalarynda, «Gizlinlik» bölüminde elýeterlidir.
Mundan öň, oktýabrda Telegram akkaunta elektron poçta arkaly iberilen kod boýunça girmek mümkinçiligini goşupdy.
