Versace-iň döredijilik müdiri Dario Witale brendden gitdi. Bu Versace-iň Prada Group-yň gözegçiligine geçmegini göz öňünde tutýan şertnama ýapylandan iki gün soň bolup geçdi. Maglumaty markanyň wekilleri tassyklady, ýöne giňişleýin maglumat entek ýok diýip, WWD habar berýär.
Witale wezipäni mart aýynda eýeläpdi we onuň gitmegi moda pudagy üçin garaşylmadyk waka boldy. Çeşmeleriň maglumatlaryna görä, çözgüt Versace bilen Prada Group-yň birleşmegi bilen baglanyşykly bolup biler. Olaryň pikiriçe, bu ädim onuň hünär meýilnamalaryna ters gelen bolsa gerek. Versace-e gelmezden ozal dizaýner Miu Miu-da işläpdi.
Versace-iň baş direktory Emmanuel Ginsburger öz wezipesini eýelemegini dowam etdirýär. Brendiň ýerine ýetiriji başlygy hökmünde Prada Group-yň ýerine ýetiriji müdiri wezipesini eýeleýän Lorenso Bertelli bellener diýlip garaşylýar.
