Amerikanyň Birleşen Ştatlary 2026-njy ýylda futbol boýunça dünýä çempionatynyň geçirilýän wagty howpsuzlygy üpjün etmek üçin bir milliardan dollardan gowrak federal maliýeleşdirmesini bölüp berer. Bu barada brifingde ABŞ-da DÇ-2026-a taýýarlyk görmek boýunça iş toparynyň ýolbaşçysy Endrýu Juliani aýtdy.
«Ministr [ABŞ-nyň içerki howpsuzlyk] Noem Ak tamyň iş topary bilen bilelikde ýaryşyň howpsuzlygyny üpjün etmek üçin bir milliard dollardan gowrak federal maliýeleşdirmesini bölüp bermek barada yglan etdi, bu bolsa howpsuzlygy üpjün etmäge serişde bölüp bermek boýunça häzire çenli bir çäre üçin kabul edilen iň uly maliýe borçnamalarynyň biridir” – diýip, Juliani aýtdy.
Görkezilen mukdardan 625 mln dollar FIFA World Cup grant programmasy boýunça ulanylar. Bu serişdeler hukuk goraýjy edaralara goldaw bermek, şol sanda kiberhowpsuzlyk boýunça okuwlary we türgenleşikleri geçirmek üçin niýetlenýär. Goşmaça 500 mln dollar uçarmansyz uçýan enjamlara garşy göreşmek boýunça grant programmasynyň çäklerinde bölünip berildi.
2026-njy ýylyň dünýä çempionaty 11-nji iýundan 19-njy iýul aralygynda ABŞ-da, Kanadada we Meksikada geçiriler.
