“Barselonanyň” prezidenti Žoan Laporta üçünji möhlete dalaş etmegi meýilleşdirmeýändigini we häzirki ygtyýarlylyk möhleti tamamlanandan soň wezipeden gitjekdigini habar berdi.
Ol kluba 2021-nji ýyldan bäri ýolbaşçylyk edýär, onuň ygtyýarlylyk möhleti bolsa 2027-nji ýylda tamamlanýar. Ozal Laporta “Barselona” 2003 – 2007-nji ýyllarda ýolbaşçylyk edipdi.
Ol Mundo Deportivo bilen söhbetdeşlikde öz gelen netijesini düşündirdi: “Prezident iki möhlet işläp bilýär. Men ýene bir gezek dalaş edip bilerdim, ýöne meýilleşdirmeýärin. Bu ýerliksiz bolardy” – diýip, katalon klubunyň prezidenti aýtdy.
Laporta 63 ýaşynda. Onuň ýolbaşçylyk eden döwründe “Barselona” alty gezek Ispaniýanyň çempiony boldy, üç gezek ýurduň kubogyny we bäş gezek Superkubogyny utdy. Şeýle-de, topar iki gezek Çempionlar ligasynda we bir gezek UEFA-nyň Superkubogynda we Klublaýyn dünýä çempionatynda ýeňiş gazandy.
