Waşingtonda (ABŞ) 2026-njy ýylyň futbol boýunça dünýä çempionatynyň ahyrky böleginiň bije çekilişigi geçirildi.
Çärä ABŞ-nyň we Meksikanyň Prezidentleri Donald Tramp we Klaudiýa Şeýnbaum, şeýle-de Kanadanyň premýer-ministri Mark Karni gatnaşdy.
Bije çekilişigiň netijesi:
- ·A toparça: Meksika, GAR, Günorta Koreýa, Ýewropada D ýolunyň pleý-offunyň ýeňijisi;
- ·B toparça: Kanada, Ýewropada A ýolunyň pleý-offunyň ýeňijisi, Katar, Şweýsariýa;
- ·C toparça: Braziliýa, Marokko, Gaiti, Şotlandiýa;
- ·D toparça: ABŞ, Paragwaý, Awstraliýa, Ýewropada C ýolunyň pleý-offunyň ýeňijisi;
- ·E toparça: Germaniýa, Kýurasao, Kot-d’Iwuar, Ekwador;
- ·F toparça: Niderlandlar, Ýaponiýa, Ýewropada B ýolunyň pleý-offunyň netijesi, Tunis;
- ·G toparça: Belgiýa, Müsür, Eýran, Täze Zelandiýa;
- ·H toparça: Ispaniýa, Kabo-Werde, Saud Arabystany, Urugwaý;
- ·I toparça: Fransiýa, Senegal, № 2 yklymara pleý-offunyň ýeňijisi, Norwegiýa;
- ·J toparça: Argentina, Alžir, Awstriýa, Iordaniýa;
- ·K toparça: Portugaliýa, № 1 yklymara pleý-offunyň ýeňijisi, Özbegistan, Kolumbiýa;
- ·L toparça: Angliýa, Horwatiýa, Gana, Panama.
Häzirlikçe ýaryşyň 48 gatnaşyjysynyň 42-si belli boldy. Ýene 4 ýollanma Ýewropada we 2-si yklymara pleý-off oýunlarynda berler.
Ýewropada ýollanma ugrunda Italiýa, Demirgazyk Irlandiýa, Uels, Bosniýa we Gersegowina (ýol A), Ukraina, Şwesiýa, Polşa we Albaniýa (ýol B), Türkiýe, Rumyniýa, Slowakiýa we Kosowo (ýol C), Daniýa, Demirgazyk Makedoniýa, Çehiýa we Irlandiýa (ýol D) göreşer.
Yklymara pleý-offunda bolsa Kongo DR, Täze Kaledoniýa we Ýamaýka (ýol 1), şeýle-de Yrak, Boliwiýa we Surinam (ýol 2) bäsleşer.
11-nji iýunda Mehikodaky «Asteka» stadionynda geçiriljek dünýä çempionatynyň açylyş oýnunda Meksika bilen GAR-yň milli ýygyndylary duşuşar.
Dünýä çempionaty 2026-njy ýylyň 11-nji iýunyndan 19-njy iýul aralygynda ABŞ-da, Kanadada we Meksikada geçiriler. Ýaryşa ilkinji gezek 48 ýygyndy gatnaşar, final «Metlaýf-stediumda» (Nýu-Jersi ştaty) bolar. Meksika bilen Kanadanyň her biri 13 oýny, ABŞ 78 oýny kabul eder.
