Pantone 2026-njy ýylyň reňkini yglan etdi – ol “Cloud Dancer” (“Bulut tansçysy”) atly bitarap ak reňk boldy. Institut bu barada öz resmi saýtynda habar berdi.
Pantone şeýle ak reňkiň “galmagally dünýäde rahatlyk, aýdyňlyk we döredijilik ylhamyny” getirýändigini belleýär. Bu öwüşgin “möhüm we esas” diýlip hasaplanýar. Şeýle-de, ak “ähli zady täzeden başlamak üçin arassa kagyzyň” alamaty hökmünde häsiýetlendirilýär. The New York Times neşiriniň redaktorlarynyň pikiriçe, bu reňkiň saýlanmagy dünýädäki syýasy ýagdaý bilen baglanyşykly bolup biler.
“Bizi gurşap alan bulam-bujarlyk we köp seslilik sustuňy basyp, bize içki “meniň” sesini eşitmäge päsgel berýär. Cloud Dancer artykmaç daşky faktorlardan dyndaryp, bize ünsümizi jemlemäge kömek edýär” – diýip, Pantone-yň ýolbaşçysy Litris Eýsman belledi.
Pantone reňk standartlaşdyrma ulgamy 1963-nji ýyldan bäri hereket edýär. 2000-nji ýyldan bär institut her ýyl bir reňki ýylyň reňki hökmünde saýlaýar. 2025-nji ýylda bu ady “Mocha Mousse” karamel-şokolad reňki aldy. Pantone ony “baýlykdan doly, ýylylyk beriji goňur öwüşgin” diýip häsiýetlendirdi.
