Toyota Ýewropa bazary üçin Corolla modeliniň täzelenendigi barada habar berdi. Esasy täzelik bu model üçin ilkinji gezek ulanylan ýalpyldysyz Onyx Grey lak-boýag örtügi boldy. Bu reňk GR SPORT hetçbegi we Touring Sports uniwersaly üçin elýeterli bolar.
Reňk palitrasyna ýalpyldaýan metal bölejikler bilen täze Storm Grey hem goşuldy.
Kompaniýanyň wekilleri Bernastondaky Toyota Manufacturing UK zawodynyň ilkinji bolup Onyx Grey reňkini önümçilik awtomobilleri üçin ulanyp başlandygyny habar berdi. Täze reňk ilkibaşda 2025-nji ýylyň ahyryna çenli Beýik Britaniýada, soňra 2026-njy ýylda beýleki Ýewropa bazarlarynda elýeterli bolar.
Daşky üýtgeşmelerden başga-da, Corolla-nyň ekologiýa profili güýçlendirildi: oturgyçlaryň arkasy we ýassyklary üçin indi gaýtadan işlenen materiallardan berk mata – Samara daşlygy ulanylýar. Ol ilkinji gezek Sedan Mid+ wersiýasynda oturgyçlaryň ýörite dizaýnynda hem ulanyldy.
Model öňküsi ýaly 1,8 we 2,0 litrlik benzin hereketlendirijileriniň esasynda gibrid güýç enjamy bilen üpjün edilýär.
Täze Corolla 12,3 dýuýmlyk enjam panelini we 10,5 dýuýmlyk sensor ekranly Toyota Smart Conncet+ muldimedia ulgamyny öz içine alýan doly sanly interfeýsi hödürleýär.
Hetçbek we Corolla Touring Sports uniwersaly Toyota Manufacturing UK zawodynda, sedan bolsa Toyota Motor Manufacturing Turkey zawodynda öndürilýär.
