Ýeriň ýaşaýjylary dekabryň başynda birnäçe täsin astronomik hadysalara: Superaýa, Geminid meteor akymyna we Ýupiteriň iň uly hemralaryna syn edip biler. Bu barada UrFU okuw astronomiýa obserwatoriýasynyň inženeri Wladilen Sanakoýewe salgylanyp, TASS habar berýär.
4-nji dekabrdan 5-nji dekabra geçilýän gije Aý adatdakysyndan ýokary galyp, Ýere 360 müň kilometrden az aralyga çenli ýakyn geler. Bu ýylyň üçünji Superaýy bolar.
Ýupiter barada aýdylanda, ony asmanyň demirgazyk-günbatar böleginde agşamyna görmek bolar. Eger ýönekeý optiki gurallary alsaň, onuň iň uly dört hemrasyny görmek başardar: Io, Ýewropa, Ganimed we Kallisto. Sanakoýew 7-nji dekabrda bu hemralaryň planetadan uzakda ýerleşiş tertibini saklap, bir hatara düzüljekdigini belledi.
Bularyň arasynda iň täsirli hadysanyň – Geminid meteor akymynyň 13-nji dekabrdan 14-nji dekabra geçilýän gije bolmagyna garaşylýar. Astronom sagatda 100-150 meteoryň bolup biljekdigini çaklaýar. Şäherlerden daşynda sagatda 10-15 meteory görüp bolar. Olar dürli uzynlykdaky gysga ýagty saçýan zolaklar ýaly görner.
