Mercedes-Benz High-Power Charging we Starbucks resmi taýdan elektromobiller üçin ilkinji bilelikdäki tiz zarýad beriş stansiýasyny açdy. Ol Kaliforniýanyň Red-Blaff şäherindäki Interstate 5 (I-5) awtomagistralynda ýerleşýär.
Mercedes-Benz-iň 400 kWt kuwwatly zarýad enjamlary elektromobiliň modeline baglylykda bary-ýogy 10 minutda 300 mile çenli (takmynan 480 km) ýol ätiýajyny goşup bilýär. Her bir zarýad beriji NACS (Tesla) we CCS standartly konnektorlary bolan kabeller bilen üpjün edildi, bu hem olary ähli modeller üçin diýen ýaly ulanmaga mümkinçilik berýär.
I-5 awtomagistraly Birleşen Ştatlaryň günbatar kenarynda demirgazykdan günorta esasy ştatara ýol hasaplanýar. Ol Meksikadan Kanada çenli ABŞ-nyň kontinent böleginiň Ýuwaş umman kenary bilen parallel uzalyp gidýär.
Mercedes-Benz HPC ilkinji gezek Starbucks kofehanalarynda zarýad beriş stansiýalaryny gurmak meýilnamalary barada 2024-nji ýylyň iýulynda mälim etdi. Geljekde Mercedes tiz zarýad beriş stansiýasyny tutuş Amerika boýunça 100 sany Starbucks-da gurnamagy meýilleşdirýär.
2024-nji ýylyň ahyryna çenli ýagdaýa görä, Mercedes-Benz HPC ABŞ-da 150-den gowrak tiz zarýad beriş stansiýasyny işe girizdi.
