UEFA 22-nji oktýabrda Çempionlar ligasynyň “Arsenal” bilen myhmançylykdaky oýnunda Madridiň “Atletikosynyň” janköýerleriniň gatnaşmagynda bolup geçen wakalardan soň kluba garşy sanksiýalary yglan etdi. Çözgüt guramanyň Gözegçilik, tertip-düzgün we ahlak komissiýasy tarapyndan kabul edildi diýip, AS habar berýär.
Çeşmäniň maglumatlaryna görä, klub käbir janköýerleriň jynsparazlyk we kemsitme hereketleri sebäpli günäkärlenýär. “Atletiko” 30 müň ýewro möçberde jerime we Çempionlar ligasynyň bir oýnuna myhman peteklerini satmaga şertli gadaganlyk aldy. Jeza bir ýylyň dowamynda hereket eder: eger şeýle ýagdaýlar gaýtalansa, sanksiýa awtomatik ýagdaýda güýje girer. Şeýle-de, kluba meýdança predmet zyňlandygy üçin ýene 10 müň ýewro möçberde jerime salyndy.
Duýduryşlara garamazdan, janköýerler topary 9-njy dekabrda “PSW” we 21-nji ýanwarda “Galatasaraý” bilen myhmançylykda geçiriljek oýunlarda goldap biler. Ýöne islendik täze düzgün bozmalar sanksiýanyň doly ýerine ýetirilmegine getirer.
