Ilkinji gezek çykanyndan üç ýyl soň, Honda Pilot krossoweri meýilleşdirilen täzelenmäni aldy. Öndüriji öňki güýç gurluşyny saklap, esasan daşky üýtgeşmä, ses izolýasiýasyny gowulandyrmaklyga, dolandyryşa we multimediýa funksiýalaryna ünsi jemledi.
Çap edilen suratlarda TrailSport (ýaşyl) we Elite (gyzyl) wersiýalary görkezilipdir. Ikisi hem iri torly täze radiator gözenegini we has uly howa girişi bolan bamperi aldy.
TrailSport gara bezegi we uniwersal tekerleri bilen tapawutlanýar. Modeliň setirine täze 20 dýuýmlyk teker dizaýny bilen birlikde kuzowyň üç täze reňki goşuldy.
Merkezi displeýler ulaldyldy: indi olaryň diagonaly öňki 7 we 9 dýuým ýerine, 10,2 we 12,3 dýuým boldy. Media ulgamy täzeden işlenen interfeýsi, birikdirilen Google hyzmatlaryny, 5G Wi-Fi goldawyny we simsiz smartfon birikmesini aldy. Bäşinji gapynyň elektrik hereketlendirijisi (tokly hereketlendirijisi) indi standart enjamlara girýär.
Öňdäki galyň aýnalaryň, täze materiallaryň hem-de gapylardaky we kapotdaky goşmaça ses izolýasiýasynyň hasabyna Honda salondaky sesiň derejesini takmynan 2–3 dB azaltdy. Işjeň howpsuzlyk toplumyna indi ikinji gezek çaknyşmalaryň öňüni almaga kömek edýän çaknyşmadan soňky awtomatiki tormozlama funksiýasy goşuldy. Rul dolandyryşy gowulandyryldy, bu bolsa sürüjiniň habarlylygyny (informatiwligini) ýokarlandyrmalydyr.
