Honda, ABŞ-da 2025-nji ýyldaky modelleri hem öz içine almak bilen, jemi 256 müň 603 sany Accord gibrid sedanyny yzyna çagyrýandygyny yglan etdi.
Yzyna çagyrmaklyga hereketlendirijiniň programma üpjünçiligindäki bökdençlikler sebäp boldy. Bu näsazlyk ulag dolandyrylýan wagtynda birden kuwwatyny ýitirmegine getirip biler.
Ilkinji habarlar 2024-nji ýylyň mart aýynda gelip gowşupdy. Geçirilen seljermelerden soň, Honda näsazlyklara gözegçilik edýän dolandyryş moduly prosessory üçin programma üpjünçiligini işläp düzüjiniň wezipäniň käbir böleklerine nädogry düşünendigini anyklady. Bu ýalňyş düşünje sebäpli, programma üpjünçiligi kiçi näsazlyklary merkezi işleýiş bölüminde (CPU) uly näsazlyklar hökmünde kabul edýär. Ulgama goşulan täze funksiýalar böleklere düşýän ýüki artdyrdy we bu meseläni has-da agyrlaşdyrdy. Nädogry işlemek dolandyryş modulynyň täzeden işe girizilmegine (перезагрузка) we netijede hereketlendirijiniň kuwwatynyň ýitmegine sebäp boldy.
Dolandyrylýan wagtynda kuwwatyň ýitmegi awariýa töwekgelçiligini artdyrýar.
2022-nji ýylyň noýabryndan 2025-nji ýylyň oktýabryna çenli öndürilen ulaglaryň eýeleri dilerlik merkezlerine ýüz tutmalydyr.
Uzak aralykdan (Over-the-Air) täzelenmeler ýeterlik däl. Hyzmat merkezlerinde ýörite taýýarlanan hünärmenler merkezi prosessory elde (göni) täzeden programmalaşdyrarlar.
