22-nji noýabrda “Barselona” durkuny täzelemek işlerinden soň “Kamp Nou” stadionynda ilkinji öý oýnuny geçirer. Şol gün topar Ispaniýanyň çempionatynyň 13-nji tapgyrynda Bilbaonyň “Atletigine” garşy oýnar.
“Kamp Nou” 2023-nji ýyldan bäri abatlaýyş üçin ýapykdy, topar oýunlaryny wagtlaýyn Luis Kompanis adyndaky Olimpiýa stadionynda (öň Montžuik Olimpiýa stadiony hökmünde belli) geçirdi. Meýdançada gurluşyk işleriniň dowam edýändigine garamazdan, klub 45 401 tomaşaçynyň gatnaşmagynda oýun geçirmäge rugsat aldy diýip, ESPN habar berýär.
Noýabryň başynda “Barselona” “Kamp Nouda” esasy düzümiň açyk türgenleşigini geçirdi – oňa 23 müň töweregi petek satyldy.
Täzelenen stadion 105 müň tomaşaça niýetlenýär. Ozal meýdança 99 müň adamy kabul edip bilýärdi diýip, The Athletic belleýär.
Häzirki wagtda “Barselona” çempionatyň ýaryş jedwelinde ikinji orny eýeleýär, ol Madridiň “Realyndan” üç utuk yza galýar.
