Kaliforniýanyň Aptera startapy özüniň Gün elektromobiliniň synag nusgalarynyň ýygnalyp başlanandygyny habar berdi – bu prototipden yzygiderli önümçilige tarap ilkinji ädim boldy. Işler üpjün edijilerden taýýar komponentleri ulanmak bilen Günorta Kaliforniýadaky täze önümçilik hatarynda alnyp barylýar.
Kompaniýa täze desganyň önümçilik proseslerini kämilleşdirmäge we geljekki awtomobilleriň durnukly hilini saklamaga mümkinçilik berýändigini belleýär. Aptera kuzow bilen şassiniň birleşdirilmegini ýeňilleşdirýän, şeýle-de inženerlere kemçilikleri çalt ýüze çykaryp, düzetmegä kömek edýän uly göwrümli ýygnama stendini ulanýar.
Önümçilik häzirlikçe kiçi tapgyrlar bilen çäklener, ýöne hataryň işe girizilmegi modeliň bazaryna çykmagyny ýakynlaşdyrýar. Deslapky maglumatlara görä, takmynan, 40 müň dollarlyk Launch Edition wersiýasy bir zarýadda 640 km çenli ýol geçip, gurnalan Gün panellerinden günde goşmaça 64 km alyp biler.
Şäher elektromobillerine islegiň artýandygyny göz öňünde tutsaň, Aptera 2026-njy ýylyň täze ulaglarynyň arasynda iň üýtgeşik we innowasion modelleriň biri bolup biler.
