Florida ştatynyň Maýami şäheriniň ajaýyp görnüşli Nort-Beý-Willij etrabynda Italiýanyň Pagani kompaniýasynyň gatnaşmagynda Pagani Residences kaşaň ýaşaýyş jaý toplumy gurulýar. Onda 28,5 million dollar we 30 million dollar bahasy bolan iki sany köp otagly penthous salyndy. Olary satyn aljaklar üçin taslama ýöriteläp Maýami Edition ýörite wersiýasynda iki sany üýtgeşik Pagani Utopia Roadster superkary taýýarlandy.
Penthauslaryň her biri öýüň iki gatyny (28-nji we 29-njy gatlary) eýeleýär, potoloklaryň beýikligi dört metr, hususy liftleri we Biskeýn aýlagyna bakýan owadan görnüşli giň terrasalary bar. Interýerinde dub, trawertin we ak metal ulanylypdyr. Bu ýerde gymmat bahaly tehnika we premium öý goşlary goýlupdyr.
30 million dollarlyk penthausda bäş sany ýatylýan otag we alty sany hammam bolup, onuň umumy meýdany 1100 inedördül metrden gowrak. Bahasy 28,5 million dollar bolan ikinji penthausda dört ýatylýan otag we bäş sany hammam bar, onuň eýeleýän umumy meýdany 994 inedördül metr.
Pagani Utopia Miami Edition superkary kompaniýanyň esaslandyryjysy Gorasio Paganiniň hut özi tarapyndan işlenip düzülen. Ulagyň kuzowy we salony Maýaminiň görnüşleri bilen sazlaşyp gidýän gök reňkde bezelen. Penthauslaryň alyjylary Modenadaky Pagani zawodyna özboluşly gezelenje gatnaşmaga we markany esaslandyryjy bilen duşuşmaga mümkinçilik alarlar.
