Toyota kompaniýasy awtoulag eýelerine ulaglarynyň toplan maglumatlaryny paýlaşan ýagdaýynda sylag almaga mümkinçilik berýän ulgamy döretdi. Patente görä, awtoulag maglumatlaryny kompaniýa geçirýär, şol ýerde-de ol seljerilýär we howpsuzlygy hem-de awtonom sürüjilik tehnologiýalaryny gowulandyrmakda ulanylýar. Eger maglumat peýdaly bolup çyksa, eýesi töleg alýar.
Maglumatyň gymmaty birnäçe ölçegler – ýol hadysasynyň seýrekliginden başlap, kyn şertlerde ulagyň işleýşine çenli bahalandyrylýar. Mysal üçin, ýoldaky ýabany haýwanyň wideosy ýoluň örtük ýagdaýy ýa-da çukurlary baradaky maglumatlardan has gymmatly bolup biler.
Toyota maglumatlary ýygnamagyň we paýlaşmagyň diňe ulagyň eýesiniň razylygy bilen mümkindigini we ony islendik wagt yzyna alyp bolýandygyny belleýär. Ýygnalan maglumatlary emeli aňy taýýarlamakda we howpsuzlyk ulgamlaryny gowulandyrmakda ulanmak meýilleşdirilýär.
Bilermenleriň pikirine görä, bu model 2026-njy ýyla çenli awtoulag bazaryny üýtgedip biler: ozal toplanan maglumatlar indi sürüjilere hakyky girdeji getirer.
