Atlantadaky Road Show International atelýesi meşhur Jeep Grand Cherokee-niň iň güýçli görnüşleriniň biri bolan SRT Trackhawk RS Edition modelini täzeden taýýarlady.
Ulagyň kapotynyň aşagynda 6,2 litrlik kompressorly V8 hereketlendirijisi ýerleşýär, onuň kuwwaty 1150 at güýjüne çenli ýetýär. Kompaniýanyň maglumatyna görä, ulag 0–100 km/sag tizlige bary-ýogy 2,9 sekuntda çykýar we iň ýokary tizligi 320 km/sag.
Daşky görnüşi has-da özüne çekiji edildi: kuzow Balloon White, içki bölek bolsa Blood Red reňkine eýe. Esasy aýratynlyk — aşagy görünýän kapot, onuň aşagynda hereketlendirijiniň açyk gyzyl bölekleri görünýär.
Tehniki täzelikleriniň arasynda tüsse çykaryş ulgamy, gaýtadan sazlanan elektron dolandyryş blogy, 15 mm peseldilen asma bar.
Salonda gyzyl deri oturgyçlar we üçegiň LED yşyklandyryşy ýerleşdirildi. Daş görnüşinde bolsa ulag 24 dýuýmlyk Forgiato diskalary we gyzyl tormoz supportlary bilen tapawutlanýar.
Taslama diňe bir müşderiniň ýörite sargydy boýunça taýýarlanyldy we köpçülikleýin önümçilige çykarylmaz. Işläp düzüjileriň sözlerine görä, bu taslama Trackhawk-yň awtobezeg mümkinçilikleriniň giňdigini görkezýär we adaty benzinli hereketlendirijileriň hem-de häzirki zaman güýçli elektrokarlaryň arasynda bäsdeşligiň dowam edýändigini subut edýär.
