Täze Ford F-250 Super Duty dünýäde iň çalt dizel pikaby bolup, täze rekord goýdy. 6,7 litrlik Power Stroke V8 hereketlendirijisi bilen işleýän High Output wersiýasy 500 at güýjüni we 1626 Nm torky öndürýär.
Bu äpet pikap bary-ýogy 5,5 sekuntda 100 km/sag tizlige çykýar — bu görkeziji Honda NSX sport awtoulagynyň netijesi bilen deňdir. Deňeşdirmek üçin, 2020-nji ýylyň F-250 modeli şol tizlige 6,1 sekuntda çykyp bilýärdi, meşhur F-150 Lightning bolsa, kompressora garamazdan, 0,3 sekunt haýal.
Bu täsin netijä 36 000 PSI basyşly gowulandyrylan ýangyç ulgamy, täze polat kollektorlar we suw bilen sowadylýan turbo güýçlendiriji kömek edipdir.
Agramy 3 tonna töweregi bolan F-250 doly bahaly iş pikaby bolmagynda galyp, 2026-njy ýylyň sport awtoulaglaryna laýyk dinamika görkezýär. Ulagda 10 tizlikli awtomatiki geçiriş, ähli tekerleri hereketlendiriji ulgam hem-de häzirki zaman aragatnaşyk we nawigasiýa tehnologiýalary bar.
Täze model elektrik we gibrid ulaglaryň döwründe-de dizel hereketlendirijileriniň bäsleşige ukyply bolup biljekdigini subut edýär. Ol kuwwaty, tehnologiýany we täsir galdyryjy tizligi bir ýerde jemleýär.
