Lionel Messi taryhda 400 assist eden ilkinji futbolçy boldy. “Inter Maýaminiň” argentinaly hüjümçisi bu görkezijä ABŞ-nyň Esasy futbol ligasynyň (MLS) pleý-offunyň 1/8 finalynyň “Neşwille” garşy üçünji oýnunda ýetdi.
Duşuşyk 4:0 hasabynda Maýami klubunyň peýdasyna tamamlandy. Assistden başga-da, Messi iki gol geçirdi.
Şeýlelikde, “Inter Maýami” “Neşwill” bilen duşuşyklarda 2:1 hasabynda utup, pleý-offuň dörtden bir finalyna çykdy. Indi ol “Sinsinnati” bilen duşuşar.
Messi karýerasyndaky assistleriniň köpüsini “Barselonada” ýerine ýetirdi – 269. Argentinanyň milli ýygyndysynyň düzüminde 60 assist, “Inter Maýamide” 37, “Pari Sen-Žermende” 34 assist bar.
38 ýaşly Messi “Inter Maýamide” 2023-nji ýyldan bäri oýnaýar. Ol sekiz gezek “Altyn topuň” eýesi boldy. Argentinanyň milli ýygyndysynyň düzüminde 2022-nji ýylyň dünýä çempiony boldy, Amerikanyň Kubogyny (2021, 2024), Finalissimany (2022) we Olimpiýa oýunlaryny (2008) utdy.
