Tüwi köp ýurtlaryň milli naharlarynda esasy orun eýeleýär. WorldStats-yň maglumatlaryna görä, adam başyna tüwi sarp edilişinde Mýanma ilkinji ýerde durýar — bir adam ortaça ýylda 278,97 kilogram tüwi iýýär.
Mýanmanyň yzyndan Komor adalary (274,51 kg), Gambiýa (256,4 kg), Kamboja (247,54 kg) we Bangladeş (246,85 kg) gelýär. Şeýle hem ilkinji onlugyň içinde Wýetnam, Laos, Filippinler, Şri-Lanka we Indoneziýa bar.
Birleşen Milletler Guramasynyň Azyk we oba hojalyk guramasynyň maglumatlaryna görä, 2024-nji ýylda dünýä boýunça tüwiniň umumy sarp edilişi takmynan 522 million tonna ýetdi. Bahalaryň ýokarlanandygyna garamazdan, bu ösümlige bolan isleg durnukly bolup galýar.
Soňky çaklamalara görä, 2025/26-njy ýylda, aýratyn-da Afrika ýurtlarynda tüwi sarp edilişi has hem artar diýlip garaşylýar. ABŞ-nyň Oba hojalyk ministrligi dünýäde tüwi öndürilişiniň 541,6 million tonna çenli ýokarlanjakdygyny, tüwi eksportynyň bolsa Hindistanyň paýynyň artmagy bilen tas 60 million tonna çenli baryp ýetip biljekdigini habar berýär.
