ABŞ-da täzelenen Toyota Crown Signia 2026 krossoweriniň bahasy resmi taýdan yglan edildi. Model iki bezeg derejesinde hödürlenýär: XLE — $44 390, Limited — $48 790.
Her iki görnüş hem tehniki taýdan birmeňzeşdir. Ulaglar 2,5 litr göwrümli benzin hereketlendirijiniň esasynda ýygnalan 243 at güýjüne eýe bolan gibrid güýje hem-de ähli tekerleri hereketlendiriji ulgamyna (AWD) eýedir.
Limited wersiýasy enjamlaşdyrylyşy boýunça tapawutlanýar. Bu ýerde adaty Toyota Audio ulgamynyň ýerine 11 dinamikli JBL ses ulgamy ulanylypdyr. Mundan başga-da, Limited: 21 dýuýmlyk diskler, panoramaly üçek, sanly yza serediji aýna, sanly açar ýaly aýratynlyklara eýe.
Şeýle hem, Limited görnüşi iki reňkli kuzow bilen hem saýlap bolýar: gara üçek ak, gyzyl, bürünç ýa-da gök-çal görnüşli kuzow reňkleri bilen sazlaşdyrylýar.
ABŞ-da Toyota Crown Signia 2026-nyň satuwy şu ýylyň ahyryna golaý başlanar.
