Saint Laurent 2025-nji ýylyň üçünji çärýeginde Lyst Index tarapyndan düzülen dünýäniň iň köp isleg bildirilýän brendleriniň reýtinginde birinji orny eýeledi. Ol ilkinji gezek Miu Miu we Loewe brendlerinden öňe geçdi diýip, WWD habar berýär.
Lyst analitikleri gyzyklanmanyň artmagyny Entoni Wakkarellonyň özboluşly stili bilen baglanyşdyrýar. Möwsümiň esasy harydy iň köp isleg bildirilen harytlaryň arasynda Havaianas Top Flip-Flops şypbyklaryndan soň ikinji orny eýelän Le Loafer deri loferi boldy.
Şeýle-de, meşhur bolan egin-eşikleriň arasynda COS Chunky Cashmere Jumper switeri, The Row Eel Loafer loferi, Skims Pierced Nipple Push-Up Bra, Nike x Jacquemus Moon Shoe we Nike Shox TL krossowkalary bar.
Reýtingiň ikinji ornuna Miu Miu geçdi, üçünji orny 140%-den gowrak ösüş görkezen COS eýeledi. Dördünji orunda The Row ýerleşdi, bäşligi bolsa Coach jemledi. Loewe sekizinji orna düşdi.
Lyst bilermenleri 2025-nji ýylda düşnükli we durnukly stili bolan brendleriň öňdebaryjydygyny belleýär. Alyjylar bulam-bujar dizaýndan ýadadylar, şonuň üçin ynamly görünýän, tanalýan we ýokary hilli öndürilen zatlary saýlaýar.
