Japan Mobility Show 2025 sergisinde Toyota doly ýygnalmadyk ýaly görünýän uly bolmadyk IMV Origin ýük ulagyny görkezdi. Ýöne kompaniýanyň asyl niýeti ony şeýle hödürlemekdi.
Toyota awtoulagyň ösüp barýan ýurtlara, şol sanda Afrika ýarym sökülen görnüşde iberiljekdigini we ony ýerinde ýönekeý gurallaryň kömegi bilen ýygnap boljakdygyny aýtdy.
IMV Origin bellibir zerurlyklara görä sazlap boljak modul platformasynda guruldy. Mysal üçin, ulaga ýük platformasyny oturtmak ýa-da ony ýolagçylary gatnatmak üçin taýýarlamak. Ol Afrikanyň oba hojalyk ýerlerinde ulanmak üçin niýetlenýär, awtomobiliň ýerinde ýygnalmagy bolsa täze iş orunlaryny döretmäge mümkinçilik berer.
Toyota IMV Origin-iň tehniki aýratynlyklary we göwrümi barada maglumat berilmeýär. Tokioda görkezilen görnüşde ulagyň diňe bir sürüji oturgyjy, plastik ekranly we üçekli karkasy, şeýle-de tekiz platformasy bar.
