Mercedes-Benz Group-yň 2025-nji ýylyň üçünji çärýegindäki arassa girdejisi 1,19 milliard ýewro bolup, bu görkeziji geçen ýyldakydan 31% azdyr diýip, konserniň maliýe hasabatynda aýdylýar.
Kompaniýa girdejiniň azalmagyny, esasan, satuwyň peselmegi we Donald Trampyň administrasiýasy tarapyndan onlarça ýurda girizilen import salgytlarynyň täsiri bilen düşündirýär.
Mundan başga-da, konsern Germaniýadaky işgärlere tölenýän işden çykaryş tölegleri hem-de daşary ýurtdaky önümçiligi optimizirlemek üçin ýüzlerçe million ýewro sarp etdi. Umuman, şu maksatlar üçin üçünji çärýekde 876 million ýewro çykdajy edildi.
Mercedes-Benz-iň umumy girdejisi geçen ýylda 34,53 milliard ýewro bolsa, şu ýyl 32,14 milliard ýewro boldy. Kompaniýanyň çaklamasyna görä, 2025-nji ýylda iň iri awtomobil bazarlary — ABŞ, Hytaý we Ýewropa — geçen ýyl bilen deňeşdirilende ösmeýär. Amerikan bazarynda goşmaça import salgytlary satuwa ýaramaz täsir etdi, Hytaýda bolsa sarp edijileriň isleginiň pes bolmagy we ýerli öndürijiler bilen güýçli bäsdeşlik ýagdaýy döredi.
